صاحب زمون ایایه
وقتی که موقش ایبو صاحب زمون ایایه
عالم بهار ایبو دنیا وجون ایایه
وچهار مدورعالم بنگ اذون ایایه
تموم اهل عالم والامون ایایه
یا مهدی ادرکنی دل وزبون ایایه
ظلم ایروه وریشه عدل ومیون ایایه
قربون ذوالفقارش کافر کشون ایایه
ایمره قحط سالی گندم برون ایایه
مثل زمون مولا خیبر گشون ایایه
وقت ظهورش عیسی واسمون ایایه
هر کس که لایقش بو وجمکرون ایایه
بسیجیل ولایت قشون قشون ایایه
خیمه ایزنن ودلل سرتک ستون ایایه
روزی که تکسوار حیدر نشون ایایه
دوباره روز مردی وغیرت کشون ایایه
صحرا همش گل ایبو بلبل وخون ایایه
او روزحرف دلل وسر زبون ایایه
اردل بییم ومهدی وهر مکون ایایه
قربون ذولفقارش کافر کشون ایایه