1
دئدیم:یاپراقلارا باخ
باخدی،آما دانیشمادی
دئدیم:بوداقلارا باخ
باخدی، آما دانیشمادی
خیابانلاری دولاندیق
کوچه لری دولاندیق
دانیشمادی
بیر ساعاتدان صونرا دئدیم:
ایکی کلمه دانیش منله،
باخدی منه، ایکی دامجی دانیشدی
2
داش آتان لار بیلمه دیلر ، پارچالانمیش آینادا
بیر آی دان مین آی چیخار
بیرگونش دن مین گونش
بیراولدوزدان مین اولدوز
پارچالاندیق آینا کیمی
چوخالاریق
چوخالداریق ایشیغی
3
سازین سیمی دالغالانیر
دالغالارداشا دییر
جالانیر
ایندی منیم اورهییم
یئلکنسیز بیرگمی کیمی
دالغالارین ایچینده.
4
آلمالیقدا
ال لریمی اوزالتدیم
آی ایشغیینی یئره سردیم
سبد – سبد آلما دردیم
دانیشسام، سپهلهنر
آیین دورو بولاغینا، گول- چیچک
هاوا نه ایچمهلیدیر
آلمالارین عطری کمین بیر سئوینج
کؤنیگمیده گیزلهنیب…